文：KT

昨晚我在旺角，以一個「普通支持佔中市民」身位，進入警察與示威者／記者的「小組討論」，不少對警察維穩本質缺乏堅定認知的人，對警察的公關技巧「冧哂」。事實上當晚那些不過是換上軍裝的警民關係。

這裡好難詳細回顧他們的技巧，但我想歸納一下，其實來來去去都是環繞以下幾個主旋律，跟警察打慣交道的朋友，以下內容已經見慣見熟，不值一晒，故對象僅為較少面對警察公關的朋友，提示一下要小心提防：

1. 警察會把放在一個「我都好難做」、「我自己都唔想」、「我都好辛苦」既位置，甚至會講「我都唔滿意梁振英」、「我都想制度改善」、「換左特首都解決唔到問題」之類，以搏取市民同情。

2. 表面上營造好像與市民不是對立的氣氛，但在警察角色根本問題上，一定緊守，例如「唔會辭職，我要服務市民」、「聽到命令一定要做野」、「見到有人犯法唔通唔做野咩」等等，其實都係為警察維穩本質護航，只不過用靈活一點、「個人色彩」大一點的語言表達，講到自己好有使命感，不會離棄同伴。

3. 營造專業形象，詳細解釋使用武力的守則，防暴排列陣式，使用的武器，甚麼情況下使用，如何使用，然後給你一個結論：「催淚煙只係低度既武力」、「我地想將傷害減到最低」，技巧不高者會坦白講「當晚如果係用警棍，一定流血收場啦！」

4. 用不同例子為上週五（3/10）警察放生暴徒的質疑「消毒」。詳細唔講了，因為警察會不停舉例子，根本無證據，但會講到「似層層」，個個都突然變身「講故佬」，令人半信半疑後，佢地會講：「唔好信傳媒」、「上網啲片有問題」、「傳媒都唔會報我地呢邊」、「依家邊個會報學生暴力丫」等等。

5. 收風，傾傾下會找時機問你「你覺得現場多唔多學民思潮、學聯既人？」、「其實係咪真係咁多學生？」，擺明係想map佔領者的「成份」，再作部署。

6. 可能大家未必有相同感覺，但呢一點係令我最心寒：佢地甚至會咁講「呀，估唔到（佔中）果三條友已經無哂地位喇喎，啲示威者都唔聽佢地講既？」、「咁佢地咪得唔到政治利益？邊有人咁蠢架！」等等。

心寒位在於，一，政府似乎好清楚雙學三子的關係；二，進行反宣傳，營造運動組織者是基於私利出發，不是真心為香港長遠利益。

文章來源：獨立媒體